مەودا میدیا-

بەڕێوەبەرایەتیی تەندروستیی سلێمانی رایدەگەیەنێت لە مانگێكدا لە شاری سلێمانی 256 حاڵەتی سووتاوی تۆماركراوە، ئاماژە بەوەشکراوە لە ماوەی مانگی ڕابردوودا 1180 نەخۆش سەردانی بەشی ڕاوێژكاری نەخۆشخانەی سووتاوی و نەشتەرگەری جوانكاریان کردووە.

لە راگەیەندراوەکەدا هاتووە "بەپێی ئامارێكی بەرێوبەرایەتیی گشتیی تەندروستیی سلێمانی لەماوەی مانگی ڕابردوودا لە نەخۆشخانەی سووتاوی و نەشتەرگەری جوانكاری ئیمێرجنسی لەشاری سلێمانی 256 حاڵەتی سووتاوی تۆماركراوە و  چارەسەری پێویستیان بۆ كراوە".

ئاماژەی بەوەشکرد "لە ماوەی مانگی ڕابردوودا 1180 نەخۆش سەردانی بەشی راوێژكاری نەخۆشخانەی سووتاوی و نەشتەرگەری جوانكاری یان كردووە و 182 نەشتەرگەری گەورە و سەرووگەورە ئەنجام دراوە، هەروەها 4475 پشكنینی تاقیگەیی و 282 چارەسەری سروشتی لەو نەخۆشخانەیە ئەنجام دراو".

س،ر