مەودا  میدیا-

وەزارەتی تەندروستی و ژینگەی عیراق گەیشتنی دوو کاروانی دیکەی ڤاکسینی کۆرۆنای راگەیاند کە بڕەکەیان 782 ھەزار و 730 دۆزە، ئاماژە بەوەشکراوە ڤاکسینەکان بەسەر سەرجەم بنکە و فەرمانگە تەندروستییەکانی پارێزگاکانی عیراق و ھەرێمی کوردستان دابەش دەکرێت.

ئەمڕۆ چوارشەممە 27ی تشرینی یەکەمی 2021 وەزارەتی تەندروستیی و ژینگەی عیراق لە راگەیەنراوێکدا گەیشتنی دوو کاروانی دیکەی ڤاکسینی کۆرۆنای راگەیاند ئاماژەی بەوەداوە کە ڤاکیسینەکان لەلایەن کۆمپانیای فایزەرە بەرھەمھێنراوە.

ئەوەشخراوەتەڕوو "کاروانی یەکەم بڕەکەی 649 ھەزار و 350 دۆزە، ھەروەھا کاروانی دووەم لە چوارچێوەی دەستپێشخەری کۆڤاکس لە رێگەی رێکخراوی یونیسێفەوە، گەیشتووەتە عیراق و بڕەکەی 133 ھەزار و 380 دۆزە".

هەروەها لە رگەیەندراوەکەدا ئەوەش هاتووە، ڤاکسینەکان بەسەر سەرجەم بنکە و فەرمانگە تەندروستییەکانی پارێزگاکانی عێراق و ھەرێمی کوردستان دابەشکراون.

س،ر