مەودا میدیا-

سەرکونسوڵگەری کۆماری ئیسلامیی ئێران لە راگەیەندراوێکدا هاوڵاتییان ئاگادار دەکاتەوە کە لێدانی ڤیزای گەشتیاریی کۆماری ئیسلامیی ئێران بە رەچاوکردنی رێنماییەکانی تەندروستی دەستیپێکردووەتەوە.

لە راگەیەندراوەکەدا هاتووە "سەرکونسوڵگەری کۆماری ئیسلامیی ئێران لە سلێمانی ئاگاداری هاوڵاتییانی خۆشەویستی هەرێمی کوردستانی عیراق دەکاتەوە کە لێدانی ڤیزای گەشتیاری کۆماری ئیسلامی ئێران بە رەچاوکردنی رێنمای و پرۆتۆکۆڵە تەندروستییەکانی وەزارەتی تەندروستیی ئێران تایبەت بە هاتنەناوەوەی گەشتیارانی بیانی بۆ ناو ئێران دەستیپێکردووەتەوە".

ئاماژە بەوەشکراوە "شایانی باسە پێدانی هەموو جۆرەکانی ڤیزا بە تەواوی بێ بەرانبەرە و کۆمپانیا گەشتیارییەکان جگە لە تێچووی تۆمارکردنی زانیارییەکانی تابیەت بە خوازیاران لە سایتی ڤیزای ئەلیکترۆنی وەزارەتی دەرەوەی کۆماری ئیسلامی ئێران (ئەوپەڕی پێنج هەزار دینار) بێت، مافی وەرگرتنی هیچ بڕە پارەیەکی دیکەیان نییە".

س،ر