مەودا میدیا-

ئەمڕۆ پێنجشەممە لە رووداوێکی تەقەکردندا لە سۆران دوو کەس برینداربوون و بە پێی زانیارییەکان تەقەکەرەکە ھەڵھاتووە، وتەبێژی بەڕێوەبەرایەتیی پۆلیسی سۆرانیش هەواڵەکەی پشتڕاستکردەوە.

سەرچاوەیەک لە سۆران بە مەودا میدیای راگەیاند "لە نزیک زانکۆی سۆران کەسێک لەناو ئۆتۆمبێلەوە تەقەی لە دوو کەسی دیکە کردووە و برینداری کردوون، دوای رووداوەکەش ھەڵھاتووە و دەستگیرنەکراوە"، لەو بارەیەوە شەماڵ دێواریی، وتەبێژی بەڕێوەبەرایەتیی پۆلیسی سۆران بە مەودا میدیا راگەیاند "بەڵێ رووداوێکی تەقەکردن روویداوە و بریندار هەیە و تیمەکانمان سەرقاڵی لێکۆڵینەوەن لە رووداوەکە و لە دواتردا وردەکاریی رووداوەکە بۆ رایگشتی بڵاودەکەینەوە".

هەر بەپێی زانیاریی سەرچاوەکەی مەودا میدیا، ئەوانەی تەقەیان لێکراوە خەڵکی ھەریرن و پێدەچێت بەھۆی کێشەیەکی کۆنی کۆمەڵایەتییەوە بێت.

ر. ر