مەودا میدیا-

بەڕێوەبەری ناحیەی بیارە هاوڵاتییانی سنوری ناحیەکەی ئاگاداردەکاتەوە کە رۆژی پێنجشەممە نەوتی سپیی ماڵان دابەشدەکرێت.

حەمید بارام، بەڕێوەبەری ناحیەی بیارە ئاگادارییەکی بڵاوکردەوە و رایگەیاند "بۆ دانیشتوانی ناحیەی بیارە سبەینێ چوارشەممە دەست دەكرێت بە پڕۆسەی دابەشكردنی بەشەسوتەمەنی یەك بەرمیل نەوت بۆ هەرماڵێك لە شارۆچکەی تەوێڵە و دەوروبەری".

ئاماژەی بەوەشكردووە، رۆژی دواتر کەدەکاتە پێنجشەممە چواری تشرینی دووەم نەوتی سپیی ماڵان لە بیارە و دەروبەری دابەش دەکرێت . 

ئەوەشی خستەڕوو، پێویستە هاوڵاتییان ئەم پێداویستیانە لەگەڵ خۆیان بهێنن، (کارتی وەرگرتنی نەوت، کۆپی ناسنامەی باری شارستانی).

ر. ب