مەودا میدیا-

به‌ڕێوه‌به‌رایه‌تیی گشتیی ته‌ندروستیی سلێمانی رایگه‌یاند، تیمه‌كانی پێدانی ڤاكسینی كۆرۆنا به‌هاوڵاتییان زیاد ده‌كه‌ن و له‌ڕێگه‌ی تیم مۆبایلیشه‌وه‌ له‌ شوێنه‌ گشتییه‌كان به‌رده‌وام ده‌بن له‌ پێدانی ڤاكسین بە هاوڵاتییان.

ئەمڕۆ هەینی پێنجی تشرینی دووەم بەڕێوەبەرایەتیی گشتیی ته‌ندروستیی سلێمانی له‌ راگه‌یه‌ندراوێكدا داوای له‌ هاوڵاتییان كرد، رۆژانه‌ له‌ كاتژمێر 8:00ی به‌یانی بۆ 4:00ی پاشنیوه‌ڕۆ سه‌ردانی هه‌ریه‌ك له‌م  مه‌ڵبه‌ندی ته‌ندروستی و سه‌ نته‌رانه‌ بكه‌ن به‌ مه‌به‌ستی وه‌رگرتنی ڤاكسین.

ناوه‌نده‌كانی وه‌رگرتنی ڤاكسین له‌ سلێمانی:

یه‌كه‌م: به‌ڕێوه‌به‌رایه‌تی خۆپاراستنی ته‌ندروستیی سلیمانی

دوه‌م: كارگه‌ی جگه‌ره‌ی كۆنی سلێمانی / رێكخراوی كلتوری

سێیه‌م: بنكه‌ی پێدانی ڤاكسین له‌ناو زانكۆی سلێمانی

چواره‌م: مه‌ڵبه‌ندی ته‌ندروستیی سه‌روه‌ری

پێنجه‌م: مه‌ڵبه‌ندی ته‌ندروستیی خه‌بات

شه‌شه‌م: مه‌ڵبه‌ندی ته‌ندروستیی بابه‌ گوڕگوڕ

حه‌وته‌م: كلنكی راوێژكاری علی كه‌مال

هه‌شته‌م: مه‌ڵبه‌ندی ته‌ندروستیی شه‌هیدانی كه‌ڵه‌كن

نۆیه‌م: مه‌ڵبه‌ندی ته‌ندروستیی كارێزه‌ وشك.

ته‌ندروستیی سلێمانی ئاماژه‌ی به‌وه‌شكرد،  جگه‌ له‌وه‌ی له‌ به‌یانیاندا سه‌رجه‌م ئه‌و مه‌ڵبه‌ند و بنكه‌  ته‌ندروستییانه‌ی كه‌پێشتر كاریان كردووه‌ له‌ پێدانی ڤاكسین به‌رده‌وام ده‌بێت، هاوكات له‌ رێگه‌ی  تیم مۆبایله‌وه‌ كه‌ به‌یانیان له‌به‌رده‌م باخی گشتی ده‌بێت له‌كاتژمێر  8:30 به‌یانی تا 12:30 نیوه‌ڕوان پاشان له‌كاتژمێر 1:30 تا كاتژمێر 5:00 له‌ به‌ر ده‌ركی سه‌را ده‌بێت، شه‌وانیش له‌شه‌قامی سالم ده‌بێت جگه‌ له‌وه‌ی له‌ڕێگەی چه‌ند تیمێكی گه‌ڕۆك رۆژانه‌ سه‌ردانی قه‌زاو ناحیه‌كانی سنوری پارێزگای سلێمانی ده‌كرێت تاكو زۆرترین  هاوڵاتی ڤاكسین دژی كۆرۆنا وه‌ربگرێت.

ر. ب