مەودا میدیا-

کۆمسیۆنی باڵای سەربەخۆی هەڵبژاردنەکانی عیراق رایدەگەیەنێت ژماردن و جیاكردنەوەی وێستگەكانی كەركوك و سێ پارێزگای دیكە کۆتایی هاتووە، ئاماژە بەوەشدەکات کۆتایی بە دۆسیەی تانەکان دەهێنرێت.

لە راگەیەندراوێکدا کۆمسیۆنی باڵای سەربەخۆی هەڵبژاردنەکانی عیراق رایگەیاند "دوێنێ شەممە 6ی تشرینی دووەمی 2021 ژماردن و جیاکردنەوەی دەستی ئەو وێستگانەی بەڵگەیان لەبارەوە پێشکەشکراون لە چوارچێوەی پاشکۆی تانەی پاڵێوراوەکانی كەركوك و زیقار و سەڵاحەدین و نەینەوا كۆتایی هات".

ئاماژەی بەوەشکردووە "ئەمڕۆ یەکشەممە 7ی تشرینی دووەمی 2021 دەبێتە کۆتا رۆژی دۆسیەی تانەکان، پێداچوونەوە دەكرێت بەو بەڵگانەی لە چێوەی پاشکۆی تانەکانی پاڵێوراوانی پارێزگای بەسرە پێشكەشكراوە، بۆئەوەی دۆسیەی تانەکانیان بەتەواوی یەکلابکرێتەوە".

س،ر