مەودا میدیا- سازگار ئەحمەد

کەمێک پێش ئێستا لە لە فولکەی نالی شاری سلێمانی تەقە لە خاوەن دوکانێک دەکرێت و دوای گەیاندنی بە نەخۆشخانە بەهۆی سەختی برینەکەیەوە گیانی لەدەستدا.

سامان نادر، بەڕێوەبەری سەنتەری فریاکەوتنی خێرای سلێمانی بە مەودا میدیا راگەیاند "لە رووداوێکی تەقەکردندا کەسێک برینداربووە و دوای گەیاندنی بە نەخۆشخانە گیانی لەدەستداوە".

بەڕێوەبەری سەنتەری فریاکەوتنی خێرای سلێمانی ئاماژەی بەوەشکرد "ئەو کەسەی کوژراوە ناوی (سیامەند محەمەد کەریم)ە و تەمەنی 46 ساڵە".

جێگای ئاماژەیە، تائێستا هۆکاری کوشتنی ئەو هاوڵاتییە دیار نییە و بەڕێوەبەرایەتیی پۆلیسی پارێزگای سلێمانی هیچ زانیارییەکی لەوبارەیەوە نەخستووەتەڕوو.

س،ر