مەودا میدیا-

میدیای نزیک لە مەلا بەختیار رایگەیاند، بڕیاره‌ رۆژی شه‌ممه‌ی داهاتوو مه‌لا به‌ختیار ئه‌ندامی ئه‌نجومه‌نی باڵای سیاسی و به‌رژه‌وه‌ندی یه‌كێتیی نیشتیمانیی کوردستان، له‌ ئه‌ڵمانیاوه‌ بگه‌ڕێته‌وه‌ هه‌رێمی كوردستان و له‌ فڕۆكه‌خانه‌ی نێوده‌وڵه‌تیی سلێمانیش له‌ مه‌راسیمێكی جه‌ماوه‌ریدا پێشوازی لێبكرێت.

بە پێی هەواڵێکی ماڵپه‌ڕی چاودێری نزیك له‌ مه‌لا به‌ختیار "بڕیاره‌ رۆژی شه‌ممه‌ 13ی تشرینی دووەم مه‌لا به‌ختیار، ئه‌ندامی ئه‌نجومه‌نی باڵای سیاسی و به‌رژه‌وه‌ندی یه‌كێتیی نیشتیمانیی کوردستان، له‌ ئه‌ڵمانیاوه‌ بگه‌ڕێته‌وه‌ شاری سلێمانی، ئه‌مه‌ش دوای وه‌رگرتنی چاره‌سه‌ری ژه‌هرخواردنه‌كه‌ی دێت له‌نه‌خۆشخانه‌ی ڤیڤانتێس له‌ به‌رلینی پایته‌ختی ئه‌ڵمانیا".

ئەوەشی خستووتەڕوو "فڕۆكه‌كه‌ی مه‌لا به‌ختیار رۆژی شه‌ممه‌ كاتژمێر 2:30ی دوانیوه‌ڕۆ به‌ كاتی كوردستان ده‌گاته‌ فڕۆكه‌خانه‌ی نێوده‌وڵه‌تیی سلێمانی، له‌ مه‌راسیمێكی جه‌ماوه‌ریدا پێشوازی لێده‌كرێت".

ئەوە لە کاتێکدایە 30ی تشرینی یه‌كه‌می 2021 سه‌رچاوه‌یه‌كی نزیك له‌ مه‌لا به‌ختیار رایگه‌یاند "له‌ دوو نه‌خۆشخانه‌ی هه‌ره‌ پێشكه‌وتوی ئوردن (الخالدیه‌)و به‌رلین (ڤیڤانتێست) پشكنینی ورد و هه‌ره‌ زانستی بۆ مه‌لا به‌ختیار كراوه‌، هه‌ردوو نه‌خۆشخانه‌كه‌ سه‌ره‌نجامی پشكنینی تایبه‌تی پۆلیس بۆ ئه‌م تاوانانه‌، به‌ به‌ڵگه‌ی زانستی سه‌لمێنراو، ده‌ركه‌وتووه‌ كه‌ مه‌لا به‌ختیار به‌ژاری (جیوه‌) ده‌رده‌دار كراوه‌".

ر. ب