مەودا میدیا-

بەڕێوەبەرایەتیی پۆلیسی راپەڕین دەستگیرکردنی کەسێکی بە تۆمەتی بەکارهێنانی مادەی هۆشبەر راگەیاند و لە کاتی دەستگیرکردنیشیدا دەستبەسەر بڕێک دراوی ساختەدا گیراوە.

ئەمڕۆ پێنجشەممە 11ی تشرینی دووەمی2021 بەڕێوەبەرایەتیی پۆلیسی راپەڕین رایگەیاند "کاتژمێر دووی بەرەبەیانی ئەمڕۆ دوای کۆکردنەوەی زانیاریی و بەدواداچوونی ورد هێزەکانمان لە بەشی پۆلیسی نەهێشتنی تاوانی راپەڕین توانیان کەسێک دەستگیربکەن بە ناوی (ب.ع.م) لە دایکبووی1979".

ئەوەشی خستووتەڕوو "ناوبراو تۆمەتبار بووە بە بەکارهێنانی مادەی هۆشبەر و دوای دەستگیرکردنیشی دەستبەسەر بڕێک مادەی هۆشبەر و دراوی ساختەی بیانیدا گیرا".

ئاماژەی بەوەشکردووە "لە ئێستادا دۆسیەی لێکۆڵینەوە بۆ تۆمەتبارەکە کراوەتەوە و بە بڕیاری دادوەر و بەگوێرەی مادەی 30 لە یاسای بەرەنگاربوونەوەی مادە هۆشبەرەکان راگیراوە".

ر. ب