مەودا میدیا-

بەڕێوەبەرایەتیی کەشناسیی و بوومەلەرزەزانی هەرێمی کوردستان پێشبیینییەکانی کەشوهەوای بۆ ئەمشەو و سبەینێ بڵاوکردەوە رایدەگەیەنێت لە هەندێک ناوچە نمەباران و بەفر دەبارێت.

لە راگەیەندراوەکەدا هاتووە "پيشبينى ده‌كرێت ئه‌مشه‌و ئاسمانى هه‌رێم په‌ڵه‌هه‌ور بۆ نيمچه‌ هه‌ور بێت و له‌ هه‌ندێ ناوچه‌ هه‌ورى ته‌واوبێت له‌گه‌ڵ بارينى كه‌مێك نمه‌باران له‌ ناوچه‌كانى رۆژهه‌ڵات (هه‌ڵه‌بجه‌ و پێنجوێن و ده‌وروبه‌رى) باكوورى رۆژهه‌ڵات و به‌شێك له‌ ناوچه‌كانى گه‌رميان و بارينى كه‌مێك نمه‌ باران له‌ ناوچه‌ شاخاويیه‌كانى هه‌ولێر و بارينى كه‌مێك به‌فر له‌ حاجى ئۆمه‌ران".

ئەوەش خراوەتەڕوو  "سبه‌ینی به‌يانى رۆژى هه‌ينى ئاسمان نيمچه‌ هه‌ور و په‌ڵه‌ هه‌ور ده‌بێت له‌گه‌ڵ بارينى كه‌مێك نمه‌ باران له‌ ناوچه‌ شاخاویيه‌كانى رۆژهه‌ڵاتى هه‌رێم و پله‌كانى گه‌رما به‌ (2-4) پله‌ نزمتر ده‌بێته‌وه‌ به‌راورد له‌گه‌ڵ ئه‌مڕۆ".

لە راگەیەندراوەکەدا بڕی باران بارینی 12 کاتژمێری رابردوو خراوەتەڕوو لە بەشێک لە ناوچەکان کە بەمشێوەیەی خوارەوەیە:

- پيرمام 0.7 ملم.

- خانەقین دڵۆپ دڵۆپ.

-  مه‌يدان 0.6 ملم.

- حاجى ئۆمه‌ران  9.0 ملم / به‌ شێوه‌ى به‌فر باريوه‌.

س،ر