مەودا میدیا-

ئەندامێکی تیمی راگەیاندنی کۆمسیۆنی باڵای سەربەخۆی هەڵبژاردنەکانی عیراق رایدەگەیەنێت لە چەندرۆژی داهاتوودا ئەنجامی کۆتایی هەڵبژاردنی ئەنجومەنی نوێنەرانی عیراق رادەگەیەنن.

عیماد جەمیل، ئەندامی تیمی راگەیاندنی کۆمسیۆنی بالای سەربەخۆی هەڵبژاردنەکانی عیراق  لە لێدوانێکی رۆژنامەوانیدا رایگەیاند "چەند رۆژێکە ژماردنەوەی دەستی دەنگەکان کۆتایی هاتووە و هیچ هەڕەشە و فشارێکی ناوخۆیی دەرەکیمان لەسەر نییە".

ئاماژەی بەوەشکرد "پێویستمان بە ئاگادارکردنەوە نییە بۆ پاراستنی دەنگی دەنگدەران و کاندیدەکان، هەروەها دوای ئەوەی دەستەی دادوەری ئەنجامەکانی پەسندکرد، لە چەند رۆژی داهاتوودا ئەنجامی کۆتایی هەڵبژاردن رادەگەیەنین".

  

س.ر