مەودا میدیا-

بەڕێوەبەری گشتیی پەروەردەی سلێمانی رایگەیاند, تەنها هەشت هەزار مامۆستای سنووری سلێمانی ڤاکسینی وەرگرتووە و ئاماژەی بەوەشکرد، دیاردەی لە کۆرۆنا مەترسیدارتر لەناو ناوەندەکانی خوێندندا هەیە.

دڵشاد عومەر، بەڕیوەبەری گشتیی پەروەردەی سلێمانی لەمیانی کۆنفرانسێکدا کە پلاتفۆڕمی کوردستان بۆ پرسە نیشتیمانییەکان سازیکردبوو لەبارەی دۆخی پەروەدەوە قسەیکرد.

ناوبراو ئاماژەی بەوەکرد "لە سنوری بەڕێوەبەرایەتی گشتیی پەروەردەی سلێمانیدا 54 هەزار مامۆستا و فەرمانبەر هەن کە لەوانە تەنها هەشت هەزاریان ڤاکسینیان وەرگرتووە".

"لە سنووری سلێمانی لە دوو هەفتەی یەکەمی ئەمساڵی خوێندندا 487 و لە دوو هەفتەی دووەمدا 351 و لە دوو هەفتەی سێیەمدا 210 خوێندکار تووشی ڤایرۆسی کۆرۆنا بوون" بەرپرسەکەی پەروەردە وای وت.

ب. ع