مەودا میدیا-

بەڕێوەبەرایەتیی پۆلیسی سۆران دەستگیرکردنی شەش کەسی راگەیاند بە تۆمەتی یاریکردن بە دەمانچە، هەروەها دڵنیایش دەدەن بە هاوڵاتییانی ئیدارەی سۆران.

لە راگەیەندراوێکدا بەڕێوەبەرایەتیی پۆلیسی سۆران رایگەیاند "لەسەر فەرمانی بەرێز بەرێوەبەری پۆلیسی سۆران  عەقیدی مافپەروەر (سەران لەتیف نەجم) دوای بڵاوبوونەوەی گرتە ڤیدیوی چەند قوتابییەك لە تۆری کۆمەلایەتی فیسبووک  لە شاری سۆران کە یاری بە چەکی جۆری (دەمانچە) دەکەن پۆلیسی ناوشاری سۆران دوای ناسینەوەیان توانییان گشت تۆمەتباران کە ژمارەیان شەش کەسە دەستگیر بکەن".

پۆلیسی سۆران ئەوەشی خستووەتەڕوو "بۆیە دڵنیای دەدەین هاوڵاتیانی ئازیزی شاری سۆران کە رێگا نادەین هێچ کەسێک ئارامی شار بشیوێنێت".

س،ر