مەودا میدیا-

بەڕێوەبەرێتی پەروەردەی شارباژێڕ رایدەگەیەنێت سبەینێ‌ شایستەو مووچەی مامۆستایانی وانەبێژ دابەش دەكرێت، ئاماژە بەوەشدەکات ئەو مووچەیە شایستەی مانگی ئەیلولە.

لە راگەیەندراوێکدا بەڕێوەبەرێتی پەروەردەی شارباژێڕ رایگەیاند "وەك یەكەم پەروەردە پاش ئامادەكردنی لیستەكان بەپێی رێنماییە نوێیەكانی وەزارەتی دارایی و پەروەردە و پاش وردبینی، بەبێ‌ هیچ كێشە و گرفتێك سبه‌ینێ سێشەممە 16ی تشرینی دووەمی 2021 مووچە و شایستەی مانگی نۆی مامۆستایانی بەڕێزی وانەبێژ لە رێگەی بەڕێوەبەری قوتابخانەكانەوە دابەش دەكرێت".

ئاماژەی بەوەشکراوە "بۆ مانگەكانی داهاتووش وەك هەمیشە لەكات و ساتی خۆیدا كارەكان تەواو دەكەین و لەئێستاوە كار بۆ ئامادەكردنی لیستی مانگەكانی (10-11) دەكەین".

س،ر