مەودا میدیا-

وەزارەتی کارەبای حکومەتی ھەرێمی کوردستان رایگەیاند، رەوشی کەمی کارەبا ئاساییدەکاتەوە و تا کۆتایی ئەمساڵیش چەند پڕۆژەیەکی راکێشانی گواستنەوەی کارەبا تەواو دەکات.

ئەمڕۆ چوارشەممە لە راگەیەندراوێکدا وەزارەتی کارەبای حکومەتی ھەرێمی کوردستان ئاماژەی بەوەکرد "لەبەر وەستانی چەند یەکەیەکی بەرھەمھێنانی کارەبا بەھۆی پڕۆسەی چاکسازی و روودانی گرفتی تەکنیکی، بڕی پێدانی کارەبا کەمبووەتەوە".

باسی لەوەشکرد "140 مێگاوات کارەبا لە وێستگەی خۆرمەلە زیاد دەکات و تا کۆتایی ئەم ھەفتەیەش یەکەیەکی بەرھەمھێنانی کارەبا لە وێستگەی خەبات بەکار دەخرێت و پڕۆژەی جێبەجێکردنی پێوەری زیرەک خێراتر دەکرێت".

وەزارەتی کارەبا ئەوەشی خستووتەڕوو "تا کۆتایی ئەمساڵ چەند پڕۆژەیەکی دانانی وێستگەکانی مۆبایل و راکێشانی گواستنەوەی کارەبا تەواو دەکرێن".

ر. ب