مەودا میدیا-

وتەبێژی به‌ڕێوه‌به‌رایه‌تیی هاتوچۆی هه‌ولێر رایگه‌یاند، ئێواره‌ی ئه‌مڕۆ  له‌ئه‌نجامی رووداوێكی هاتوچۆ له‌نێوان ئۆتۆمبێلێكی بارهه‌ڵگر و ماتۆڕسكیلێكدا، مردنی سه‌رنشینێكی ماتۆڕسكیله‌كه‌ی لێكه‌وته‌وه‌.

فازڵ حاجی، وته‌بێژی بەڕێوەبەرایەتیی هاتوچۆی هه‌ولێر رایگەیاند "ئێواره‌ی ئه‌مڕۆ له‌سه‌ر شه‌قامی 100 مه‌تری نزیك بازاڕی له‌نگه‌، ئۆتۆمبێلێكی بارهه‌ڵگر به‌نیازبوو له‌یه‌كتربڕی ته‌نیشت بازاڕی له‌نگه‌ بێته‌ سه‌رشه‌قامی 100 مه‌تری، به‌بێ ئه‌وه‌ی دڵنیا ببێته‌وه‌ له‌نه‌بوونی هیچ ئۆتۆمبێلێك یان ماتۆڕسكیلێك له‌ته‌نیشتییه‌وه‌، كه‌ بارهه‌ڵگره‌كان گۆشه‌ی مرد و له‌ئاوێنه‌كانیان هه‌یه‌، له‌گه‌ڵ گۆڕینی ئاراسته‌كه‌ی، كه‌وته‌ سه‌ر ڕێڕه‌وی ماتۆڕسكیلێك كه‌ له‌لای راستی بوو شۆفێر و سه‌رنشینێكی له‌سه‌ر بوو".

باسی لەوەشکرد، له‌ئه‌نجامی ئه‌و رووداوه‌ سه‌رنشینی ماتۆڕسكیله‌كه‌ مرد، چونكه‌ ڕاسته‌وخۆ كه‌وته‌ ژێر تایه‌ی بارهه‌ڵگره‌كه‌، به‌ڵام شوفێره‌كه‌ توانی رابكات و نه‌بووە قوربانی دووه‌م، له‌كاتی لێكۆڵینه‌وه‌ش شۆفێری بارهه‌ڵگره‌كه‌ به‌لایه‌نی خه‌تابار دانرا.

https://www.youtube.com/watch?v=op-j7b8nC7k

ر. ب