مەودا میدیا-

قایمقامی هەڵەبجە داوا لەو هاوڵاتییانە دەکات کە پێش رێکەوتی 31/12/2020 خانوویان بە شیوەی زیادەڕۆ دروستکردووە سەردانی قایمقامییەت بکەن بەمەبەستی بەخاوەنکردنی ئەو خانووانە.

ئەمڕۆ پێنجشەممە لە نووسراوێکی فەرمیدا کە واژۆی نوخشە ناسیح، قایمقامی هەڵەبجەی لەسەرە هاتووە " داوا لە هاوڵاتییانی سنووری شارەوانی هەڵەبجە دەکەین کە تا پێش رێکەوتی 31/12/200 خانووی نیشتەجێبوونیان بەشێوەی زیادەڕۆ دروسکردووە بەزوترین کات سەردانی قایمقامییەتی قەزای مەڵبەندی هەڵەبجە بکەن بەمەبەستی پێشکەشکردنی داواکاریی بەخاوەنکردن، لەگەڵ پێشکەشکردنی هەموو ئەو بەڵگە پێویستانەی کە بەپێی یاسا داواکراوە".

ئاماژەی بەوەشکردووە "هەر هاوڵاتییەک لەماوەی دیاری کراوای یاساکەدا داواکاری پێشکەش نەکات مافی بەخاوەنکردنی نامێنت و بەپێی یاسا مامەڵەی لەگەڵ زیادەڕۆییەکەی دەکرێت".

ر. ب