مەودا میدیا-

ئەمڕۆ هەینی لە شارى هەولێر لەسەر راگرتنى ئۆتۆمبێل لە ناو بازاڕى نیشتیمان شەڕ روویدا و دوو کەس بریندار بوون.

بە پێی زانیارییەکانی مەودا میدیا ئەمڕۆ هەینى 19ی تشرینی دووەمی 2021 لە بازاڕى نیشتیمان لەنێوان خاوەن پارکى ئۆتۆمبیلەکانى ئەو ناوچەیە و دەستگێڕەکانى ئەو ناوچەیە لەسەر راگرتنى ئۆتۆمبیل شەڕ دروستبووە.

مەودا میدیا زانیویەتی لە شەڕەکەدا دوو کەس بریندارە و برینى یەکێکیان بە فیشەکە و ئەوەى دیکەیان بە چەقۆ بووە.

ئەوە لەکاتێکدایە لە شەوی رابردووەوە ئەمە دووەم حاڵەتی روودانی شەڕە لە نێوان هاوڵاتییان لەسەر راگرتن و پارککردنی ئۆتۆمبێل، لە شەڕێکی هاوشێوەدا شەوی رابردوو لە شاری هەولێر دوو کەس کوژران.

ر. ب