مەودا میدیا-

سەرۆکی حکومەتی هەرێمی کوردستان و وەزیری بەرگریی ئەمەریکا کۆبوونەوە، لە کۆبوونەوەکەدا وەزیری بەرگریی ئەمەریکا پشتیوانیی خۆی بۆ هێزەکانی پێشمەرگە دووپاتکردووەتەوە.

ئەمڕۆ شەممە لە پەراوێزی کۆڕبەندی دایەلۆگی مەنامە لە بەحرەین،  مەسرور بارزانی، سەرۆکی حکومەتی هەرێمی کوردستان و لۆید ئۆستن، وەزیری بەرگریی ئەمریکا کۆبوونەوە و لە کۆبوونەوەکەدا چەند تەوەرێکی وەک شەڕی دژی داعش و رێککەوتنی شنگال و دیالۆگی ستراتیجی ئەمەریکا و عیراق گفتوگۆیان لەبارەوە کرا.

هاوکات لۆید ئۆستن، وەزیری بەرگریی ئەمەریکا، جەختی لەوە کردەوە کە هەرێمی کوردستان، هاوبەش و هاوپەیمانێکی گرنگی ویلایەتە یەکگرتووەکانی ئەمەریکایە لە ناوچەکەدا و دووپاتیشیکردەوە کە ئەمەریکا، بەردەوامدەبێت لە پشتگيریکردنی هەرێمی کوردستان و بەتایبەتی هێزی پێشمەرگە لە رووبەڕووبوونەوەی داعش.

سەرۆکی حکومەتی هەرێمی کوردستان سوپاسی پشتیوانیی بەردەوامی ئەمەریکای کردووە و جەختیشی لە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی و هەبوونی هاوئاهەنگیی ئەمنی لە ناوچە کوردستانییەکانی دەرەوەی ئیدارەی هەرێم کردووەتەوە .

ر. ب