مەودا میدیا-

بە پێی زانیارییەکان له‌ خۆپیشاندانه‌كه‌ی ئه‌مڕۆی نێوان خوێندكارانی زانكۆ و په‌یمانگەكانی سلێمانی، هێزه‌ ئه‌منییه‌كان بۆ بڵاوه‌پێكردنیان گازی فرمێسك رێژیان به‌كارهێنا و ژماره‌یه‌ك خوێندكار برینداربوون.

ئه‌مڕۆ دووشه‌ممه‌ 22ی تشرینی دووه‌می 2021، خوێندكارانی زانكۆ و په‌یمانگەكانی سلێمانی له‌ به‌رده‌م پارێزگای سلێمانی گردبوونه‌وه‌ و داوای گه‌ڕانه‌وه‌ی ده‌رماڵه‌كانیان كرد.

بە پێی زانیارییەکانی مەودا میدیا خوێندكاران رێگه‌ی سه‌ره‌كی نێوان سلێمانی_ تاسڵوجه‌یان داخست، هێزه‌ ئه‌منییه‌كان بۆ بڵاوه‌پێكردنیان و کردنەوەی رێگەکە گازی فرمێسك رێژیان به‌كارهێناوە، خۆپیشاندانه‌كه‌ گرژی تێكه‌وت و ژماره‌یه‌ك خوێندكار برینداربوون.

خۆپیشاندانه‌كه‌ی ئه‌مڕۆی خوێندكاران به‌رده‌وامه‌ و به‌ گوێره‌ی زانیارییه‌كان خوێندكاران هێرشیان كردووه‌ته‌ سه‌ر سه‌رۆكایه‌تی زانكۆی سلێمانی.

ر. ب