مەودا میدیا-

بەڕێوەبەرایەتیی پۆلیسی هەولێر دەستگیرکردنی تۆمەتبارێکی راگەیاند کە هەوڵیداوە ماڵی هاوڵاتییەک بسووتێنێت، بەڵام بە خێرایی توانراوە ئاگرەکە کۆنتڕۆڵ بکرێت.

هۆگر عەزیز، وتەبێژی پۆلیسی هەولێر رایگەیاند "بەشی پۆلیسی فریاکەوتنی هەولێر کاتژمێر 2:00ی شەوی رابردوو ئاگادار کرانەوە کە کەسێک بە ناوی (ئـ. و. س) دەیەوێت ماڵەکەیان بسووتێنێت، بۆیە دەستبەجێ گەیشتنە شوێنی مەبەست و تۆمەتبارەکەیان دەستگیرکرد".

ئاماژە بەوەشکراوە "لەکاتی گەیشتنی تیمەکانی پۆلیس، تۆمەتباری ناوبراو بە نەوت و غاز ئاگری کردبووەوە، بەڵام بە خێرایی ئاگرەکە کۆنتڕۆڵ کرا، هەروەها تۆمەتبارەکە دوای دەستگیرکردنی رەوانەی دادگا کراوە بۆ لێکۆڵینەوە لە رووداوەکە".

س،ر