مەودا میدیا-

لە کۆبوونەوەی ئەمڕۆیدا ئەنجومەنی وەزیرانی هەرێمی کوردستان بڕیار درا بە خەرجکردنی بودجەیەکی تایبەت بە خوێندکارانی زانکۆ و پەیمانگەکانی هەرێمی کوردستان.

ئەمڕۆ چوارشەممە 24ی تشرینی دووەمی 2021 ئەنجومەنی وەزیرانی هەرێمی کوردستان  بە سەرۆکایەتیی مەسرور بارزانی، سەرۆکی حکومەتی هەرێمی کوردستان و ئامادەبوونی قوباد تاڵەبانی، جێگری سەرۆکی حکومەت کۆبووەوە، لە کۆبوونەوەکەدا بڕیار درا بە خەرجکردنی بودجەیەکی تایبەت بە خوێندکارانی زانکۆ و پەیمانگەکانی هەرێمی کوردستان.

عەبدولسەلام دۆڵەمەڕی، سەرۆکی لیژنەی پەروەردە و خوێندنی باڵا و توێژینەوەی زانستی لە پەرلەمانی کوردستان رایگەیاند "لەسەر فەرمانی سەرۆکی حکومەتی هەرێم بودجەیەکی تایبەت بۆ وەزارەتی خوێندنی باڵا تەرخان کرا، بە مەبەستی چارەسەرکردنی گرفتی بەشە ناوخۆییەکان و دابین کردنی خزمەتگوزارییەکان و ھاوکاری کردنی قوتابیان و خوێندکارانی کەم دەرامەت".

ئەم بڕیارەی حکومەتی هەرێمی کوردستانیش دوای ئەوە دێت ماوەی چەند رۆژێکە خوێندکارانی زانکۆ و پەیمانگەکانی شار و شارۆچکە جیاوازەکانی هەرێمی کوردستان خۆپیشاندانیان ئەنجامدا بە مەبەستی گەڕاندنەوەی دەرماڵەکانیان.

س،ر