مەودا میدیا-

رێکخراوی کۆچی نێودەوڵەتی رایگەیاند، بەهۆی ئەوەی بەلەمەکەیان ژێرئاوکەوتووە 27 کۆچبەر لە رێگەى نێوان فەرەنسا بۆ بەریتانیا گیانیان لەدەستدا.

بەپێی هەواڵێکی ماڵپەڕی بی بی سی کە بڵاویکردووەتەوە و تێیدا هاتووە رێکخراوی کۆچی نێودەوڵەتی رایگەیاندووە "ژمارەیەک کۆچبەر کە لە رێگەدا بوون بۆ بەریتانیا لە نزیک کاڵاس بەلەمەکەیان ژێرئاوکەوتووە و 27 کەسیان گیانیان لەدەستدا".  

  

بۆرێس جۆنسن، سەرۆک وەزیرانى بەریتانیا خەمباری خۆی بۆ رووداوەکە درابڕیوە و رووداوەکەى بە (تراژیدى) وەسفکردووە.  

  

پۆلیسی دەریاوانی بەریتانیاش هەواڵەکەی پشتڕاستکردووەتەوە و جەختیکردووەتەوە "بەهۆى ژێرئاوکەوتنى بەلەمەکەوە 27 کۆچبەر گیانیان لەدەستداوە".

ر. ب