مەودا میدیا-

کۆمسیۆنى باڵاى سەربەخۆى هەڵبژاردنەکانی عیراق رایگەیاند، ئەنجامى جیاکردنەوەى دەستى دەنگەکان کۆتایی هاتووە و هاوتاى ئەنجامى ئەلیکترۆنى بووە.  

ئەمڕۆ پێنجشەممە کۆمسیۆنى باڵاى سەربەخۆى هەڵبژاردنەکانی عیراق  بەیاننامەیەکى بڵاوکردەوە و رایگەیاند "ئەمڕۆ پێنج شەممە جیاکردنەوەى دەستى دەنگەکان لەدوایین وێستگەى نەینەوا ئەنجام دراوە، لەسەر بڕیارى دەستەى دادوەرى".  

  

ئاماژەی بەوەشکردووە "ئەنجامەکە هاوتاى ئەنجامە ئەلیکترۆنییەکان بووە بەرێژەى 100%، ئەنجامەکان دەخرێنە بەردەستى ئەنجومەنى کۆمسیاران و دواتر رەوانەى دەستەى دادوەرى دەکرێت".  

دوابەدوای راگەیاندنی ئەنجامی بەرایییەکان بەشێک لەو ھێزانەی نەیانتوانی سەرکەوتن بەدەستبھێنن تانەیان لەچەندین وێستگە و بنکەیەک داو کۆمسیۆنی باڵاش جیاکردنەوە و ھەژامرکردنی دەستی بۆ ئەنجامدان و ئەنجامی بەشیک لە کورسی لایەنەکان گۆڕانی بەسەرداھات.

ر. ب