مەودا میدیا-

میدیاکانی رۆژئاوای کوردستان بڵاویانکردەوە، گروپە چەکدارەکانی سەر بە تورکیا پێنج ھاوڵاتییان لە عەفرین رفاندووە، و چەند هاوڵاتییەکی دیکەشیان ئەشکەنجە داوە.

سەرچاوە هەواڵییەکانی رۆژئاوای کوردستان رایانگەیاند، چەکدارانی (سوڵتان سڵێمان شاە) سەر بە تورکیا پێنج ھاوڵاتی کوردیان لە شارۆچکەی شێ سەر بە عەفرین رفاندووە و تا ئێستاش چارەنووسیان دیار نییە.

ئەوەشیان خستووتەڕوو، هەمان ئەو چەکدارانە کوڕ و باوکێکیان دەستگیرکردووە و ئەشکەنجەیەکی زۆریان داون.

لە لایەکی دیکەوە گروپە چەکدارەکان نزیکەی سێ ھەزار و 300 داری زەیتونی ھاوڵاتییانی ناوچەی شەرا و بلبلێ سەر بە عەفرینیان بڕیوەتەوە و لە بازاڕەکان دەیفرۆشنەوە.

ر. ب