مەودا میدیا-

وتەبێژی جێگری سەرۆك وەزیرانی حکومەتی هەرێمی کوردستان رایگەیاند، قسە‌كانی پێڤیدار ئەحمەد، پەرلەمانتاری فراكسیۆنی پارتی دوورن لە‌ راستییە‌وە‌ و بێئاگایی و بێ توانایی خۆی سە‌لماندووە‌ و داتاو ئامارە‌كانیش سە‌لمێنە‌ری ئە‌وە‌ن كە‌ ئە‌و ‌پەرلەمانتارە‌ ھیچ زانیارییە‌كی دروستی نییە‌ و كەس لێدوانە‌كانی بە‌جدی وەرناگرێت. 

ئەمڕۆ سێشەممە 30ی تشرینی دووەمی 2021 لە روونکردنەوەیەکدا سەمیر هەورامی، وتەبێژی قوباد تاڵەبانی، جێگری سەرۆك وەزیرانی حکومەتی هەرێمی کوردستان رایگەیاند "ھێڤیدار ئە‌حمە‌دی پە‌رلە‌مانتار لێدوانێكی داوە‌ و ناوی تیمی یە‌كێتی لە‌ حكومە‌تی ھە‌رێمی كوردستان ھێناوە‌، بۆ ھە‌موو لایە‌كی رووندە‌كە‌ینە‌وە‌، قسە‌كانی ئە‌و پە‌رلە‌مانتارە‌ دوورن لە‌ راستییە‌وە‌ و بێئاگایی و بێ توانایی خۆی سە‌لماندووە‌ لە‌و لێدوانە‌یدا‌". 

  

ئاماژەی بەوەشکردووە "داتا و ئامارە‌كانیش سە‌لمێنە‌ری ئە‌وە‌ن كە‌ ئە‌و ‌پەرلەمانتارە‌ ھیچ زانیارییە‌كی درووستی نییە‌ و كەس لێدوانە‌كانی بە‌جددی وەرناگرێت چونكە‌‌ زوو زوو پە‌نا دە‌باتە‌ بە‌ر موزایە‌دە‌ و دووبارە سەلماندی كە ئە‌و پەرلەمانتارێكی فاشلە". 

  

ئەوە لە کاتێکدایە پێشتر هێڤیدار ئەحمەد لە بەرنامەیەکی تەلەفزیۆنیدا وتبووی، قوباد تاڵەبانی بە تیمی پارتی گوتووە لە سلێمانی داهات کۆناکرێتەوە.

ر. ب