مەودا میدیا-

بەڕێوەبەرایەتیی هاتوچۆی دهۆک رایگەیاند، دوای ئەوەی ئۆتۆمبێلێک لە زاخۆ لە هاوڵاتییەک دەدات دەست بەجێ گیانلەدەستدەدات و دوای رووداوەکەش شۆفێرەکە کۆنترۆڵی لەدەستدا و ئۆتۆمبێلەکەی لە ستوونێكی کارەبا دا. 

 
ئەمڕۆ سێشەممە حەوتی کانوونی یەکەمی 2021 ئازاد تەها، وتەبێژی بەڕێوەبەرایەتیی هاتوچۆی دهۆک لە تۆڕەکۆمەڵایەتیی فەیسبوک لە هەژماری خۆی رایگەیاند، لە رووداوێکدا تەکسییەک لە هاوڵاتییەک دەدات و بەو هۆیەشەوە هاوڵاتییەکە دەست بەجێ گیانیلەدەستداوە. 

ئاماژەی بەوەشکردووە، دوای ئەوەی ئۆتۆمبێلەکە لە هاوڵاتییەکەدەدات، شۆفێرەکە کۆنترۆڵی لەدەستدا و ئۆتۆمبێلەکەی کێشا بە ستوونێکی کارەبادا و بەو هۆیەشەوە زیان بەر ئۆتۆمبێلەکەی کەوت.

 

رووداوەکانی هاتوچۆ لەئێستادا یەکێکە لە سەرەکیترین هۆکارەکانی گیانلەدەستدان و برینداربوون لە هەرێمی کوردستان و شارەزایانیش هۆکارەکەی بۆ تیژڕەوی شۆفێران و پابەندنەبوونیان بەڕێنماییەکانی هاتوچۆ و خراپی رێگەوبانەکان دەگێڕنەوە.

ر. ب