مەودا میدیا-

بریکاری تەکنیکی وەزیری کشتوکاڵی عیراق ئاشکرای کرد لە سبەینێ پێنجشەممەوە هاوردەکردنی پەتاتە بۆ هەرێمی کوردستان رادەگیرێت، ئەمەش بە مەبەستی پاڵپشتیکردنی بەرهەمی ناوخۆیە.

میساق عەبدولحسێن، بریکاری تەکنیکی وەزیری کشتوکاڵی عیراق رایگەیاند "بە هەماهەنگی لەگەڵ وەزارەتی کشتوکاڵ و سەرچاوەکانی ئاوت حکومەتی هەرێمی کوردستان بڕیارماندا بە قەدەغەکردنی هاوردەکردنی پەتاتە بۆ هەرێمی کوردستان، بڕیارەکەش لە سبەینێ پێنجشەممە 9ی کانونی یەکەمی 2021وە جێبەجێ دەکرێت".

ئاماژەی بەوەشکرد "ئەم بڕیارە بە هەماهەنگی نێوان هەردوو وەزارەتی کشتوکاڵی عیراق و هەرێمی کوردستان دراوە لەپێناو پاراستنی بەرهەمی ناوخۆ".

س،ر