مەودا میدیا-

وەزارەتی خوێندنی باڵا و توێژینەوەی زانستی حکومەتی هەرێمی کوردستان دواى تەرخانکردن و خەرجکردنى پاڵپشتییەکى دارایى بۆ وەزارەتى خوێندنى باڵا وەک پێشینەى مانگانە بە بڕى حەوت ملیار و 250 ملیۆن دینار بۆ پاڵپشتى قوتابیان و خوێندکاران و چارەسەرکردنى گرفتى بەشە ناوخۆییەکان و دابینکردنى خزمەتگوزارى نووسراوێک ئاراستەی سەرجەم زانکۆکان دەکات.

لە نووسراوێکدا وەزارەتی خوێندنی باڵا داوا لە سەرجەم زانکۆکانى کوردستان دەکات تاکو رۆژى سێشەمە رێکەوتى 14ی کانونی یەکەمی 2021  ئامارى وردبینیکراوى سەرجەم قۆناغەکانى خوێندنى خوێندکاران و قوتابیانى ناوەو و دەرەوەى شارەکان بە جیا کە بە زانکۆلاین وەرگیراون بۆمان بنێرن تاکو کارى پێویستى لەسەر بکرێت.

س،ر