مەودا میدیا-

شەوی رابردوو لە ئۆپەراسیۆنێكدا لە سنووری پارێزگای هەڵەبجە، 20 كەس بە تۆمەتی ئەندامێتی و بوونی پەیوەندی بە رێكخراوی داعشەوە دەستگیركراون، لەكاتی ئۆپەراسیۆنەكەشدا رووبەڕووبوونەوە روویداوە.

ئەمڕۆ پێنجشەممە سەرچاوەیەكی ئاگادار لە پارێزگای هەڵەبجە بڵاویکردەوە، شەوی رابردوو هێزە ئەمنییەكانی پارێزگای سلێمانی ئۆپەراسیۆنێكیان لە هەڵەبجە، سیراوان و خورماڵ ئەنجامداوە.

ئەوەشی خستووەتەڕوو، لەو ئۆپەراسیۆنەدا 20 كەس بە تۆمەتی ئەندامبوون و بوونی پەیوەندی لەگەڵ رێكخراوی داعشدا دەستیگر كراون، لە كاتی دەستگیر كردنەكانیشدا رووبەڕووبوونەوە روویداوە و یەكێك لە داواكراوەكان بریندار بووە.

ئاماژەی بەوەشکردووە، ئەمڕۆ پێنجشەممە ئاسایشی سلێمانی لەبارەی ئۆپەراسیۆنەكەوە راگەیەندراوێك بڵاودەكاتەوە و زانیاری ورد دەخاتەڕوو.

ر. ب