مەودا میدیا-

بەڕێوەبەرایەتیی ئاسایشی دەروازە سنوورییەكان ئاشکرای کرد لە دەروازەی حاجی ئۆمەران دەستبەسەر بڕێک مادەی هۆشبەردا گیرا لە جۆری تلیاک کە چەند کەسێک ویستوویانە بیهێنە هەرێمی کوردستان.

لە راگەیەندراوەکەی بەڕێوەبەرایەتیی ئاسایشی دەروازە سنوورییەكان هاتووە "كە ئەمرۆ پێنچشەممە رێكەوتی 9ی کانونی 2021 بەرێوەبەرایەتی ئاسایشی دەروازەی حاجی ئۆمەران دەستگیرا بەسەر 3 كلیۆ و 30گرام مادەی هۆشبەر لە جۆری تلیاك".

ئاماژە بۆ ئەوەشكراوە "چەند كەسێك ویستوویانە هاوردەی هەرێمی كوردستان بكەن، بۆیە ئاسایشی دەروازە سنوورییەكان دڵنیایی دەدەنە هاووڵاتیان، كە هەمیشە چاوكراوەن لە پێناو پاراستنی ئاسایش و سەلامەتی گشتی و ئارامی و دەستگیركردنی تاوانباران بەشەو رۆژ لە ئەركدان".

س،ر