مەودا میدیا-

هۆشدارییەک لە بانکى ناوەندى عیراق-ەوە سەبارەت بە دابەزاندنەوەى نرخى دۆلار بەرانبەر دینار، بانکەکە دەڵێت "ئەو کارە دەبێتە هۆى ئەوەى نرخى دراو لە کۆنترۆڵ دەربچێت و زیان بە هاوڵاتییان و پڕۆژەکان بگەیەنێت".  

  

ئەمڕۆ سێشەممە 14ی کانوونی یەکەمی 2021 بانکى ناوەندى عیراق لە بەیاننامەیەکدا رایگەیاند "لەبارەى دەنگۆکان بۆ دابەزاندنەوەى نرخى دۆلار بۆ 120 هەزار دینار، ئەو کارە دەبێتە هۆى دروستبوونى بێمتمانەیی بە سیستەمى دارایی و دەرچوونى پڕۆژەکانى وەبەرهێنان و بەرهەمهێنانى ناوخۆیی لە کێبڕکێ و قوڵبوونەوەى بێکاری بەهۆی وەستانى پڕۆژەکانەوە".  

  

ئاماژەی بەوەشکردووە "بەرزکردنەوەى نرخى دۆلار بووە هۆى کەمکردنەوەى فشار لەسەر خەرجییەکانى وەزارەتى دارایی بەڕێژەى 23% کە بووە هۆى تێپەڕاندنى قەیرانى دارایی".

ئەوە لە کاتێکدایە بۆ پڕکردنەوەی کورتهێنان لە داهات و رزگاربوون لە قەیرانی دارایی و ئابووری لە رابردوودا بانکی ناوەندی عیراقی بەهای دۆلاری بەرزکردەوە بەرانبەر بە دیناری عیراقی.

ر. ب