مەودا میدیا-

سەرۆک وەزیرانی عیراق رایگەیاند، خەمساردییەکانی حکومەت و گوێنەگرتن لە داواکارییەکانی هاوڵاتییان و بە تایبەت گەنجان، هۆکاری توندوتیژی گەنجان و کۆمەڵگەیە.

ئەمڕۆ چوارشەممە 15ی کانوونی یەکەمی 2021 مسەفا کازمی، سەرۆک وەزیرانی عیراق لە کۆنگرەیەکی رۆژنامەوانیدا رایگەیاند "پێویستە لە هۆکاری توندوتیژی گەنجەکانمان بکۆڵینەوە و بیری گفتوگۆ سەربخەین و رووبکەینە داهاتوویەک ژیانی هەموومانی تیایدا پارێزراوبێت ".

ئەوەشی خستەڕوو "توندوتیژی لە کۆمەڵگەکەماندا دەرئەنجامی خەمساردی حکومەتە لە بەرانبەر گەنجاندا، لەوانە دواکەوتووی گەنجەکانمان و فێرنەکردنیان بۆ بایەخدان بە بەها مرۆڤایەتییەکان".

وتیشی "سەرەڕای ئەم هەموو توندوتیژی و رووداوانە کە لە وڵاتەکەماندا روودەدەن، هیچ بژاردەیەکی دیکەمان نییە جگە لە شانازیکردن بە ناسانامەی عیراقیبوونمانەوە".

ر. ب