مەودا میدیا-

راوێژكارێكى مسته‌فا كازمى سه‌رۆك وه‌زیرانى عیراق رایگه‌یاند، به‌غدا 200 ملیاره‌كه‌ ده‌نێرێت‌ و هۆکاری دواکەوتنەکەی كێشەی سیاسى نییه‌ و كێشه‌كه‌ ته‌كنیكیه‌.

ئەمڕۆ دووشەممە 20ی کانوونی یەکەمی 2021 مه‌زهه‌ر محه‌مه‌د, راوێژكارى مسته‌فا كازمى سه‌رۆك وه‌زیرانى عیراق سەبارەت بە ناردن و هۆکاری دواکەوتنی 200 ملیارەکە رایگه‌یاند "رێكه‌وتنه‌كان وه‌ك خۆیه‌تى‌ و جێبه‌جێده‌كرێت‌ و هیچ كێشه‌یه‌كى سیاسیش له‌ناردنى 200 ملیاره‌كه‌ بۆ هه‌رێم نییه‌".

ئەوەشی ئاشکراکرد "كێشه‌ى نه‌ناردنى 200 ملیاره‌كه‌ بۆ هه‌رێم ته‌كنیكیه‌ به‌هۆى كۆتاییهاتنى ساڵى داراییه‌وەیە".

سبەینێ کۆتا شوێن مووچەی مانگی 11 وەردەگرێت، بەوەش دابەشکردنی مووچەی فەرمانبەرانی حکومەتی هەرێم زیاتر لە 25 رۆژی خایەندووە و پرۆسەکە زۆر خاوبووە، حکومەتی هەرێم-یش سستی لە دابەشکردنی مووچەی مانگی رابردووی بۆ نەناردنی 200 ملیارەکە گێڕایەوە لە لایەن بەغداوە.

ر. ئ