مەودا میدیا-

سه‌رۆكی ئیئتیلافی ده‌وڵه‌تی یاسا لە پەیامێکدا رایگەیاند، هه‌ڵنه‌وه‌شاندنه‌وه‌ و دووباره‌ نه‌كردنه‌وه‌ی هه‌ڵبژاردنی په‌رله‌مانی عیراق چاوه‌ڕوانكراو بوو، بەهۆی ئەو دۆخەی ئێستای وڵاتەوە، به‌ڵام هیواخوازبوون دادگای فیدڕاڵی دادپه‌روه‌ری له‌نێوان لایه‌نه‌كاندا بچه‌سپێنێت.

ئەمڕۆ دووشەممە لەپاش راگەیاندنی رەتکردنەوەی تانەکان لەلایەن دادگای فیدراڵییەوە، نوری مالیكی، سه‌رۆكی ئیئتیلافی ده‌وڵه‌تی یاسا له‌ تویتێكدا له‌ هه‌ژماری تایبه‌تی خۆی نووسیوییەتی "چاوه‌ڕوان ده‌كرا به‌هۆی هۆكاره‌كانی په‌یوه‌ست به‌ دۆخی وڵاته‌وه‌، ئه‌نجامه‌كانی هه‌ڵبژاردن هه‌ڵنه‌وه‌شێندرێنه‌وه‌ و پرۆسه‌كه‌ش دووباره‌ نه‌كرێته‌وه‌، هه‌رچه‌نده‌ ناهاوسه‌نگی و به‌ڵگه‌ و دۆكیۆمێنتی روون خرانه‌ڕوو". 

ئەوەشی خستووەتەڕوو "ئێمه‌ هیوامان خواست كه‌ دادگای فیدڕاڵی دادپه‌روه‌ری بچه‌سپێنێت له‌نێوان سه‌رجه‌م كوتله‌ و لیسته‌ زیانبه‌ركه‌وتووه‌كان و هه‌روه‌ها كێشه‌كانی په‌یوه‌ست به‌كۆتای ژنان". 

ئەوە لە کاتێدکایە دادگای باڵای فیدڕاڵی عیراق ئه‌مڕۆ دووشه‌ممه‌ سكاڵا تۆماركراوه‌كانی له‌ ئه‌نجامی هه‌ڵبژاردنی پێشوه‌ختی په‌رله‌مانی 10ی تشرینی یه‌كه‌می 2021 هه‌ڵوه‌شانده‌وه‌ و ئه‌نجامی هه‌ڵبژاردنه‌كانی په‌سه‌ندكرد.

ر. ئ.