مەودا میدیا-

هاوپەیمانی ناتۆ بڕیاریدا بەمنزیکانە مەشق و راهێنان بە هێزە عیراقییەکان دەستپێبکەنەوە بۆ ئەو مەبەستەش رەزامەندی بەغدایان وەرگرتووە.

تاد وڵتەرز، فەرماندەی باڵای ناتۆ لە میانەی بەشداریکردنی لە کۆنگرەی میونشن بۆ ئاسایش رایگەیاند "بەم نزیکانە مەشق و راهێنان بە هێزە عیراقییەکان دەستپێدەکەینەوە".

ئاماژەی بەوەشکرد "بۆ ئەو مەبەستەش رەزامەندی بەغدامان وەرگرتووە، بۆیە بە زووترین کات دەستدەکەینەوە بە مەشق و راهێنان بە هێزە عیراقییەکان".

ئەمەش دوای ئەوەدێت، بەهۆی ناکۆکییەکانی نێوان ئێران و ئەمریکا لە دوای کوشتنی قاسم سولەیمانی، سەرۆکی فەیلەقی قودس ناتۆ مەشق و راهێنانەکانی راگرت بە هێزە عیراقییەکان.