مەودا میدیا-

 ئەندامێکی مەکتەبی سیاسیی پارتی سەبارەت بەبوونی کاندیدی حزبەکەی بۆ پۆستی سەرۆک کۆمار دەڵێت "نه‌خێر كاندیدمان نابێت و بۆ ئه‌و بابەتەش له‌گه‌ڵ لایه‌نه‌كان قسه‌ ده‌كه‌ین".

هۆشیار زێباری، ئه‌ندامی مه‌كته‌بی سیاسیی پارتی دیموكراتی كوردستان بە میدیای حزبەکەی راگەیاندووە  "دوای دانیشتنی یه‌كه‌می په‌رله‌مان شتی تریش ماوه‌، ده‌بێت هاوكار بین ئاگامان له‌ یه‌كتر بێت، پابه‌ندبین و مه‌غرور نه‌بین و له‌گه‌ڵ لایه‌نه‌ كوردستانییه‌كانیش هاوكار و هه‌ماهه‌نگ بین".

سەبارەت بەبوونی کاندید بۆ پۆستی سەرۆک کۆمار هۆشیار زێبارى دەڵێت "نه‌خێر كاندیدمان نابێت‌ و بۆ ئه‌و بابەتەش له‌گه‌ڵ لایه‌نه‌كان قسه‌ ده‌كه‌ین".

شەوی رابردوو دانیشتنی یەکەمی پەرلەمانی عیراق بەڕێوەچوو دوای سوێندخواردنی یاسایی لەلایەن ئەندامانی پەرلەمانەوە محەمەد حەلبووسی، بەسەرۆکی پەرلەمان و حاکم زاملی، بە جێگری یەکەم و شاخەوان عەبدوڵڵا، بە  جێگری دووەم هەڵبژێردران.

ر. ئ.