مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی تۆمەتبارێکی راگەیاند بە تۆمەتی هەڕەشەکردن لە هاوڵاتییەک و هێرشکردنە سەری لە فرۆشتگەیەک.

لە راگەیەندراوەکەی پۆلیسدا هاتووە "دواى ئه‌وه‌ى بنكه‌ى پۆلیسى ڕزگارى ئاگاداركرایه‌وه‌ له‌ بوونى ڕوداوێكى هه‌ڵكوتانه‌ سه‌ر فرۆشتگەیه‌ك له‌ گه‌ڕه‌كى رزگارى، ده‌ستبه‌جێ مه‌فره‌زه‌كانى بنكه‌ى پۆلیسى رزگارى گه‌یشتنه‌ شوێنى رووداوه‌كه‌ و توانرا تۆمه‌تبار ده‌ستگیربكرێت و ده‌ستیش بگیرێت به‌سه‌ر چه‌كێكى جۆرى ده‌مانچه‌ كه‌ به‌ تۆمه‌تبار بووه‌ و هه‌ڕه‌شه‌ى پێكردووه‌ له‌ هاوڵاتییه‌ك كه‌ له‌ناو فرۆشتگەكه‌دا بووه‌".

ئاماژە بەوەشکراوە "له‌ئێستادا تۆمه‌تبار (ك ، ع ، ع له‌دایكبووى 1982) به‌بڕیارى به‌ڕێز دادوه‌رو به‌پێى ماده‌ى 431 له‌ یاساى سزادانى عیراقى ڕاگیراوه‌و لێكۆڵینه‌وه‌ له‌گه‌ڵیدا به‌رده‌وامه‌".

س.ر