مەودا میدیا-

بەڕێوەبەرایەتیی هاتوچۆی هەولێر ئاگاداری شۆفێران دەکاتەوە کە بەهۆی بارینی بەفرێکی زۆرەوە رێگەی دەربەندی گۆمەسپان بۆسەر چیای سەفین و کەپکی گەرۆتە دادەخرێت.

لە راگەیەندراوەکەی پۆلیسدا هاتووە "سەرجەم شوفێران و هاوڵاتییانی بەڕێزمان ئاگادار دەکەینەوە کەوا بەهۆی دابارینی بەفرێکی زۆرەوە رێگەی دەربەندی گۆمەسپان بۆ سەر چیای سەفین و کەپکی گەرۆتە دادەخرێت، لەبەر چڕی بەفرەکە مەودای بینینش کەمبووەتەوە".

ئاماژە بەوەشکراوە "هاوڵاتییان و شوفێران لەکاتی ئێستا وەکو بەدیل دەتوانن رێگەی (هەولێر، شەقڵاوە و هیران) بەکاربێنن،کەلەکاتی ئێستا هاتوچۆ تیایدا ئاساییە، لەهەمان کاتیش داوایان لێدەکەین کەوا هاتوچۆیان سنووردار بکەن و لەحالەتی زۆر پێویست نەبێت سەفەر نەکەن".

س،ر