مەودا میدیا-

دادگاى فیدراڵیی عیراق واده‌ى دانیشتنی بڕیاردان له‌باره‌ى ده‌ستووریبوون یان ‏ده‌ستوورینه‌بوونى یه‌كه‌م دانیشتنى خولی نوێی ئه‌نجومه‌نى نوێنه‌رانى عیراقى دیاریكرد.‏

ئەمڕۆ یەکشەممە لە راگەیەندراوێکدا دادگای فیدراڵی عیراق، رۆژی چوارشەممەی داهاتووی دەستنیشانکرد، ‏له‌باره‌ى ده‌ستووریبوون یان ده‌ستوورینه‌بوونى یه‌كه‌م دانیشتنی خولی پێنجەمی ئەنجومەنی ‏نوێنەرانی عیراق.‏

ئەوە لە کاتێکدایە رۆژى نۆى ئه‌م مانگه‌ یه‌كه‌م دانیشتنى خولی پێنجەمی ئه‌نجومه‌نى نوێنه‌ران به‌ڕێوه‌چوو، ‏له ‌دانیشتنه‌كه‌دا مه‌حمود مه‌شهه‌دانى دۆخى ته‌ندروستیی تێكچوو و برایه‌ نه‌خۆشخانه‌، ‏پێشئه‌وه‌ى بگه‌ڕێته‌وه‌ دانیشتنه‌كه‌ى په‌رله‌مان، بڕیاردرا جێگره‌وه‌كه‌ى دانیشتنه‌كه‌ ‏به‌ڕێوه‌ببات و ده‌سته‌ى سه‌رۆكایه‌تیی ئه‌نجومه‌نه‌كه‌ش هەڵبژێردرا. ‏

له‌ چه‌ند رۆژى رابردوو مه‌حمود مه‌شهه‌دانى و پەرلەمانتارێكی دیكە له‌ دادگاى فیدراڵى ‏سكاڵایان تۆماركرد و دانیشتنه‌كه‌یان به‌ ناده‌ستووری له‌قه‌ڵه‌مدا. ‏

ر. ئ.