مەودا میدیا-

 فەرماندەی گشتیی هێزە چەکدارەکانی عیراق چەند رێنماییەکی نوێی ئاراستەی دەزگا ئەمنییەکان کرد و جەختیکردووەتەوە لەسەر سزادانى کەمتەرخەمەکان لەهەر پلە و پۆستێک بن.  

نووسینگەی راگەیاندنی مستەفا کازمی، سەرۆک وەزیران و فەرماندەی گشتیی هێزە چەکدارەکانی عیراق ئاماژەی بەوەکرد "مستەفا کازمی، سەرۆک وەزیران و فەرماندەی گشتی هێزە چەکدارەکانی عیراق لە بارەگاى فەرماندەیی پڕۆسە هاوبەشەکان لەگەڵ فەرماندە ئەمنى و سەربازییەکان کۆبووەتەوە، جەختیکردووەتەوە لەسەر سزادانى کەمتەرخەمەکان لەهەر پلە و پۆستێک بن".  

هاوکات مستەفا کازمى فەرمانیکردووە بە پتەوکردنى ئاسایشى سەر سنوورى عیراق و سووریا دواى رووداوەکانى زیندانى حەسەکە.  

به‌پێی راگه‌یه‌ندراوه‌كه‌، لە کۆبوونەوەکەدا ئەنجامى سەرەتایی هێرشەکەى دیالە خرایەڕوو، کازمى جەختى لەسەر پێویستى دوبارەنەبوونەوەى دزەکردنى ئەمنى کردەووە و دەزگاى هەواڵگرى راسپارد کارەکنیان زیاتر بکەن.  

ر. ئ.