مەودا میدیا-

سەرۆكی یەكێتی هاوردە و ناردنكارانی كوردستان رایدەگەیەنێت ساڵی ڕابردوو قەبارەی ئاڵوگۆڕی بازرگانی لە نێوان هەرێمی كوردستان و وڵاتی ئێران سەرو 5 ملیار دۆلار بووە.

شێخ مستەفا عەبدوڕەحمان، سەرۆكی یەكێتی هاوردەو ناردنكارانی كوردستان بە مەودا میدیای راگەیاند "قەبارەی ئاڵوگۆڕی بازرگانی لە نێوان وڵاتی ئێران و هەرێمی كوردستان بەشێوەی بەرچاو زیادی كردووە".

ئەوەشی خستەڕوو "تەنیا لە ساڵی 2019 قەبارەی بازرگانی هەرێمی كوردستان لەگەڵ وڵاتی ئێران سەرو 5 ملیار دۆلار بوە و ئەو ڕێژەیەش بەراورد بە ساڵی ڕابردوو زیادی كردووە".

وڵاتی ئێران لەگەڵ هەرێمی كوردستان هاوسنورە بە تایبەتی له سنورى پارێزگای سلێمانیەوە و لە ڕێگەی چەند مەرزێكی فەرمی و نافەرمی كاری ئاڵوگۆڕی بازرگانی دەكەن.