مەودا میدیا-

 سەرۆکی رەوتی سەدر لەسەر بڕیارەکەی دادگای فیدراڵی رایگەیاند، دادگا سەربەخۆیی خۆی سەلماند و ھەنگاو دەنێن بەرەو پێکھێنانی حکومەتی زۆرینەی نیشتمانی.

لە دوای بڕیارەکەی دادگای فیدراڵی سەبارەت بە دەستوری بوونی یەکەم دانیشتنی ئەنجومەنی نوێنەرانی عیراق، موقتەدا سەدر، سەرۆکی رەوتی سەدر لە تویتێکدا ئاماژەی بەوەکرد، جارێکی دیکە دادگای عیراق پاکی و سەربەخۆیی خۆی سەلماند و نەکەوتە ژێر فشاری سیاسییەوە، سوپاسی دادگاشی کرد بۆ ئەو بڕیارە و رایگەیاند "ھەنگاو بەرەو پێکھێنانی حکومەتی زۆرینەی نیشتمانی دەنێن و دەرگایان کراوەیە بۆ ئەوانەی متمانەی پێیانە".

باسی لەوەشکرد، ھەموو ئەو لایەنانەی ئۆپۆزسیۆن بوون یاخود بایکۆت کردن ھەڵدەبژێرن و ھەنگاو بۆ چاکسازی عیراق دەنێن، ھەر برامانن.

دادگا فیدڕاڵی عیراق ئه‌مڕۆ سێشه‌ممه‌ له‌ دوای دوو دانیشتنی له‌باره‌ی یه‌كه‌مین كۆبوونه‌وه‌ی په‌رله‌مانی عیراق، بڕیاریدا ئه‌و سكاڵایه‌ ره‌تبكاته‌وه‌ كه‌ له‌سه‌ر یه‌كه‌مین كۆبوونه‌وه‌ی په‌رله‌مان تۆماركراوه‌ و كۆبوونه‌وه‌كه‌ی به‌ یاسایی و ده‌ستوری ناوبرد و بڕیاری هه‌ڵپه‌سانردنی دانیشتنه‌كانی په‌رله‌مانی هه‌ڵوه‌شانده‌وه‌.

ر. ئ.