مەودا میدیا-

بەڕێوەبەرایەتیی کارەبای سلێمانی نرخى پارەى موه‌لیده‌ى ئه‌هلى بۆ مانگی نیسان دیاریكرد و نرخی یه‌ك ئەمپێڕ كاره‌بای موه‌لیده‌ بۆ مانگی چوار لەنێوان چوار هه‌زار دینار بۆ پێنج هه‌زار دینار ده‌بێت. 

لە راگەیەندراوەکەدا هاتووە "ئەمڕۆ یەکشه‌ممه‌‌ 2022/5/8 لیژنەی سه‌رپه‌رشتیارى موه‌لیده‌ ئەھلییەکانی سلێمانی بۆ هه‌ژماركردنی نرخی كاره‌بای موەلیدە ئه‌هلییه‌كان كۆبوونه‌وه‌ و به‌گوێره‌ى نرخى گازۆیل و كاتژمێره‌كانى كاركردن نرخى ئه‌مپێرێك كاره‌باى موه‌لیده‌ى ئه‌هلى بۆ مانگی رابردوو (نیسان) له‌ نێوان (4000) هه‌زار  بۆ (5000) هه‌زار دینار ده‌بێت، به‌هۆی جیاوازی كارپێكردنی موه‌لیده‌كان‌ له‌گه‌ڕه‌كێك بۆ گه‌ڕه‌كێكی دیكه‌، نرخی ئه‌مپێڕێك كاره‌بای موه‌لیده‌ی جیاواز ده‌بێت".

 ئەوەش هاتووە "سه‌باره‌ت بە به‌رنامەى كاركردنى موه‌لیده‌ش به‌یانیان له‌ کاتژمێر (7:00)ی به‌یانى تا کاتژمێر (8:00)ى به‌یانى كارده‌كه‌ن، هه‌روه‌ها  (12) نیوه‌ڕۆ تا (یه‌ك)ی شه‌و هه‌ركاتێك كاره‌بای نیشتمانی كوژایه‌وه‌، پێویسته‌ موه‌لیده‌كان كاره‌با دابین بكه‌ن بۆ هاوڵاتییان".

س.ر