مەودا میدیا-

به‌‌ڕێوه‌به‌رایه‌تیی گشتیی كه‌شناسی و بوومه‌له‌رزه‌زانی هه‌رێمی کوردستان پێشبینییەکانی كه‌شوهه‌وای ئه‌مڕۆ سێشەممە 10ی ئایار و سبەینێ چوارشەممە 11ی ئایاری 2022ی شارەکانی هەرێمی كوردستانی بڵاوكرده‌وه‌.

بەپێی پێشبینییەکانی کەشناسیی هەرێمی کوردستان بێت، بۆ ئەمڕۆ سێشەممە ئاسمانی شارەکانی کوردستان نیمچە هەور و هەوری تەواودەبێت، لە ناوچە شاخاوییەکان و ناوچە جیاجیاکاندا ئەگەری بارینی نمە باران هەیە، پلەکانی گەرماش لەنێوان 23 بۆ 29 پلەدا دەبێت.

هەر بەپێی پێشبینییەکان، سبەینێ چوارشەممە ئاسمانی ناوچەکانی هەرێمی کوردستان ساماڵ دەبێت لەگەڵ پەیدابوونی هەندێک پەڵەهەور، پلەکانی گەرماش لەنێوان 25 بۆ 31 پلەدا دەبێت.

س.ر