مەودا میدیا- رێبین ئەشرەف

بەرپرسی بەرگریی شارستانیی شەقڵاوە رایدەگەیەنێت، لە رووداوێکی ئاگرکەوتنەوە لە گوندێکی ناحیەی هەریری سەر بە قەزای شەقڵاوە دایکێک و دوو منداڵی سوتاون و رەوانەی نەخۆشخانەکراون.

سەرمەند ئەبدولقادر، بەرپرسی بەرگریی شارستانیی شەقڵاوە بە مەودا میدیای راگەیاند "لە رووداوێکی ئاگرکەوتنەوەدا لە گوندی ئارمەندی ناحیەی هەریری سەر بە قەزای شەقڵاوە ژنێک و دوو منداڵی بەڕێژەی جیاواز سوتاون و رەوانەی نەخۆشخانە کراون".

سەبارەت بە رێژەی سوتاوی بریندارەکان وتی "تەنها منداڵە نۆ ساڵانەکە رێژەی سوتاوییەکەی بەرزە ژنەکە و گەنجەکە ئاستی سوتاویان کەمترە".

روونیشیکردەوە "ئاگره‌كه‌ له‌كاتێكدا روویداوه‌، كه‌ سۆنده‌ی غازی ته‌باخی ئه‌و ماڵه‌ ته‌قیبوو و غازێكی زۆر دزه‌ی كردبوو، به‌بێ ئه‌وه‌ی پێی بزانن، كاتێك هه‌وڵیانداوه‌ ئاگری ته‌باخه‌كه‌ داگیرسێنن، به‌هۆی پڕبوونی ژووره‌كه‌ له‌ غاز، ئاگرێكی كتوپڕ و گه‌وره‌ ته‌واوی ژووره‌كه‌ی داگرتووه‌، به‌وهۆیه‌شه‌وه‌ ئه‌و سێ هاوڵاتییه‌ سووتاون".

ر. ئ.