مەودا میدیا-

بڕیارە سەرەتای هەفتەی داهاتوو مووچەی تەواوی ئەو فەرمانگە و دامودەزگایانەی سلێمانی دابەشبكرێت، كە هێشتا مووچەی مانگی سێیان وەرنەگرتووە.

ئەمڕۆ پێنجشەممە 12ی ئایاری 2022 سەرچاوەیەک رایگەیاند، ئەمڕۆ مووچەی زۆرینەی ئەو فەرمانگانە لە سلێمانی دەدرێت كە مووچەی مانگی سێیان وەرنەگرتووە.

ئەو سەرچاوەیە ئاماژەی بەوەشكرد، هەفتەی داهاتوو تەواوی ئەو فەرمانگانە مووچە وەردەگرن كە مووچەی مانگی سێیان وەرنەگرتووە.

ئەوە لەکاتێکدا ئەمڕۆ 12ی مانگی پێنجە و تائێستا مووچەی مانگی سێی بەشێک لە فەرمانبەران و مووچەخۆرانی سنووری پارێزگای سلێمانی دابەشنەکراوە.

ر. ئ.