مەودا میدیا-

ئەندامێکی سەرکردایەتیی پارتی دیموکراتی کوردستان رایدەگەیەنێت گفتوگۆ یه‌كێكه‌ له‌ بنه‌ما چه‌سپاوه‌كانی پارتی، ئاماژەی بەوەشکرد دەرگای گفتوگۆ لەنێوان یەکێتی و پارتی کراوەیە.

دڵشاد شه‌هاب، ئه‌ندامی سه‌ركردایه‌تیی پارتی دیموكراتی كوردستان لە کۆنگرەیەکى رۆژنامەوانیدا رایگەیاند "گفتوگۆ یه‌كێكه‌ له‌ بنه‌ما چه‌سپاوه‌كانی پارتی و ئه‌و رێگه‌یه‌ به‌ گرنگترین و سه‌ركه‌وتووترین رێگه‌ ده‌زانین، راسته‌ كۆبوونه‌وه‌ لەنێوان پارتی و یەکێتی نەکراوە، به‌ڵام ده‌رگای گفتوگۆ دانه‌خراوه‌".

ئاماژەی بەوەشکرد "هه‌ر گفتوگۆیه‌ك بكرێت، پێویسته‌ له‌سه‌ر بنه‌مای به‌رژه‌وه‌ندیی هاوبه‌شی نیشتمانی بێت و ته‌نیا له‌ به‌رژه‌وه‌ندی خۆماندا نه‌بێت".

س.ر