مەودا میدیا-

پۆلیسی سلێمانی رایدەگەیەنێت، سێ کەسیان بە تۆمەتی تەقەکردن دەستگیرکردووە و دەستیشیان گرتووە بەسەر دوو چەکدا لە جۆری کڵاشینکۆف و دەمانچەدا.

بەڕێوەبەرایەتیی پۆلیسی پارێزگای سلێمانی رایگەیاند "دوای ئەوەی دەنگی تەقە لە گەڕەكی چوارباخ لە شاری سلێمانی بیسترا، دەستبەجێ‌ مەفرەزەكانی بنكەی پۆلیسی رزگاری گەیشتنە شوێنی مەبەست و توانرا لە كەمتر لە کاتژمێرێك تەقەكەرەكان بدۆزرێتەوە و دەستیگیربكرێن".

ئاماژەی بەوەشکردووە "لەئێستادا تۆمەتباران (د. ق. ح.  لەدایكبووی  1997، أ. ق. ح. لەدایكبووی  2002، ش. د. ع. لەدایكبووی 2002) دەستگیرکراون".

باسی لەوەشکردووە "بەبڕیاری دادوەر تۆمەتباران راگیراون و لەكاتی دەستگیركردنیشیاندا دەستگیراوە بەسەر دوو چەك لە جۆری یەك كڵاشینكۆف و یەك دەمانچە لەگەڵ ئۆتۆمبێلێكدا كە بە تۆمەتباران بووە.

ر. ئ.